PepsiCo është paditur nga shteti i Nju Jorkut për ndotje plastike përgjatë lumit Buffalo që dyshohet se po ndot ujin dhe po dëmton jetën e egër.
Sipas padisë, PepsiCo është kontribuuesi i vetëm më i madh i identifikueshëm në këtë problem.
Zëdhënësi i PepsiCo i ka thënë BBC-së se ka qenë “transparent në rrugëtimin e tij për të reduktuar përdorimin e plastikës”.
Javën e kaluar Coca-Cola, Danone dhe Nestle u akuzuan për pretendime mashtruese në lidhje me shishet e tyre plastike.
PepsiCo është kompania e dytë më e madhe e ushqimit në botë dhe shumë korporata të tjera të mëdha janë përballur me padi nga autoritetet lokale për ndikimin e tyre në mjedis.
Kompanitë akuzohen për ‘larjen e gjelbër’ kur markojnë diçka si më miqësore ndaj mjedisit sesa është në të vërtetë. Kjo mund të mashtrojë konsumatorët që shpresojnë të ndihmojnë planetin duke zgjedhur ato produkte.
