Autoritetet shëndetësore në Peru kanë zbuluar dhe konfirmuar praninë e variantit të COVID-19, JN.1, i cili konsiderohet pasardhës i linjës BA.2.86 shumë të mutuar, sipas një njoftimi të bërë nga Ministria peruane Shëndetësisë.
Instituti Kombëtar i Shëndetësisë, një divizion i ministrisë, kreu mbikëqyrje gjenomike të SARS-CoV-2 në mostrat e frymëmarrjes të mbledhura në nëntor nga rajone të ndryshme në të gjithë vendin. Përmes këtij survejimi janë evidentuar 12 raste të variantit JN.1.
Individët e prekur nga varianti JN.1 variojnë nga 23 deri në 58 vjeç. Fatmirësisht, të gjitha rastet e raportuara deri më tani po menaxhohen si ambulatorë, thuhet nga ministria në një deklaratë zyrtare.
Organizata Botërore e Shëndetësisë (OBSH) e ka klasifikuar variantin JN.1 si një variant të veçantë interesi, të dallueshëm nga linja e saj mëmë, BA.2.86. OBSH e ka kategorizuar këtë variant si një lloj “me rrezik të ulët” për sa i përket ndikimit në shëndetin publik. Aktualisht, nuk ka asnjë provë që sugjeron se varianti JN.1 shkakton një paraqitje klinike të ndryshme ose më të rëndë në krahasim me linjat e tjera të Omicron.
