Tornadot përfshinë disa pjesë të SHBA-së dhe disa shtete u përgatitën për përmbytje të mëdha pasi erërat e fuqishme dhe shirat e rrëmbyeshëm goditën vendin të martën.
Të paktën pesë njerëz vdiqën dhe qindra mijëra mbeten në errësirë pasi stuhitë mbuluan pjesën më të madhe të SHBA-së të martën. Tornadot përfshinë mesperëndimin dhe jugun e vendit, stuhitë u ndjenë në veriperëndim dhe pjesë të lindjeve të vendit u kërcënuan me përmbytje.
Në verilindje të vendit, guvernatori i Nju Xhersit, Phil Murphy, shpalli gjendjen e jashtëzakonshme dhe zyrtarët e qytetit të Nju Jorkut evakuuan rreth 2000 emigrantë të vendosur në një kompleks tendash.
Në Maine, guvernatori Janet Mills vonoi hapjen e të gjitha zyrave shtetërore deri në mesditë të së mërkurës për shkak të kushteve nga stuhia.
Shërbimi Kombëtar i Motit paralajmëroi për përmbytje të mundshme të mëdha në pjesë të Long Island në shtetin e Nju Jorkut me valë deri në pothuajse tre metra deri të mërkurën në mëngjes.
Ndërkohë, më shumë se 600.000 konsumatorë të energjisë ishin pa energji elektrike herët në mbrëmjen e së martës, sipas gjurmuesit të shërbimeve PowerOutage.us.
