Të paktën dy persona humbën jetën kur avioni i një kompanie ndërtimi u rrëzua në një zonë pyjore në shtetin jugor të Brazilit Santa Catarina, tha departamenti lokal i zjarrfikësve.
Avioni i vogël po fluturonte nga qyteti i Governador Valadares në shtetin juglindor të Minas Gerais për në Florianopolis, kryeqyteti i Santa Catarina, dhe u rrëzua në mbrëmje pasi raportoi një ulje emergjente.
Mbetjet e avionit u gjetën në një zonë pyjore të vështirë për t’u arritur në qytetin Itapoa në Santa Catarina.
Forcat Ajrore po hetojnë arsyet që e shtynë pilotin të kontaktojë me aeroportin në qytetin Joinville, në veri të Santa Catarina, për të tentuar një ulje emergjente.
