Kandidatja presidenciale e SHBA-së, Kamala Harris, ka dhënë reagimin e saj për sulmin e djeshëm (1 tetor) me raketa ndaj Izraelit.
Ajo e përshkroi Iranin si një “forcë destabilizuese” në Lindjen e Mesme dhe tha se mbështet plotësisht vendimin e Joe Biden për të ndihmuar në rrëzimin e raketave që synojnë Iranin.
“Angazhimi im për sigurinë e Izraelit është i palëkundur,” tha Harris, duke shtuar se SHBA “nuk do të hezitojë kurrë të ndërmarrë çfarëdo veprimi të nevojshëm për të mbrojtur forcat dhe interesat e SHBA kundër Iranit dhe terroristëve të mbështetur nga Irani”.
Kujtojmë se më 1 tetor Irani lëshoi rreth 180 raketa në Izrael. Korpusi i Gardës Revolucionare të Iranit tha se sulmi ishte në hakmarrje për vrasjen e liderit të Hezbollahut, Hassan Nasrallah në Bejrut javën e kaluar dhe shefit të Hamasit Ismail Haniyeh në Teheran në korrik, dhe pason fushatën ajrore dhe tokësore të Izraelit kundër aleatëve të Iranit, Hezbollahut në Liban.
Ushtria amerikane ndihmoi në rrëzimin e raketave të Iranit pas një urdhri të drejtpërdrejtë nga Joe Biden.
Mbretëria e Bashkuar tha se forcat britanike “luajtën rolin e tyre” në përpjekjet për të parandaluar përshkallëzimin e mëtejshëm në rajon.
