Bombarduesit B-2 të SHBA-së sulmuan depot e armëve që u përkisnin rebelëve Houthi në Jemen.
Sekretari i Mbrojtjes Lloyd Austin tha se operacioni u urdhërua të mërkurën vonë nga presidenti Joe Biden për të "degraduar më tej" aftësinë e Houthi për të nisur sulme ndaj anijeve tregtare dhe ushtarake në Detin e Kuq.
Sulmet mund të jenë gjithashtu një paralajmërim për Iranin në një kohë kur Teherani dhe aleati i SHBA-së, Izraeli janë shfaqur në prag të një lufte të plotë.
Austin nuk e përmendi Iranin me emër, por ai tha se përdorimi i bombarduesit B-2, i cili është i vetmi avion luftarak në arsenalin e SHBA-së që mund të mbajë të ashtuquajturat bomba që shkatërrojnë bunkerin.
"Ishte një demonstrim unik i aftësisë së SHBA-së për të synuar objektet që kundërshtarët tanë përpiqen t'i mbajnë, pavarësisht se thellë ndodhen nën tokë ose janë të fortifikuara," tha ai.
Zyrtari më i lartë i mbrojtjes amerikane tha se "sulmet e sakta" kishin në shënjestër pesë lokacione nëntokësore të magazinimit të armëve në zonat e kontrolluara nga Houthi në Jemen. Nuk kishte raporte të menjëhershme për viktima, tha ushtria.
Në Jemen, Houthi-t kanë sulmuar në mënyrë sporadike anijet në Detin e Kuq, një rrugë kryesore tregtare për vite me radhë, por sulmet kundër cisternave civile dhe anijeve të mallrave janë intensifikuar qe nga fillimi i konfliktit midis Izraelit dhe Hamasit vitin e kaluar.
Houthi thonë se sulmet e tyre janë në shenjë solidarizimi me Hamasin, i cili gjithashtu mbështetet financiarisht dhe me armë nga Irani, dhe palestinezët në përgjithësi.
Sulmet e shtuara të rebelëve kanë nxitur një numër në rritje të sulmeve të udhëhequra nga SHBA kundër objektivave Houthi, duke përfshirë radarët, pistat, vendet e lansimit të raketave dhe qendrat logjistike.
Forcat amerikane kanë rrëzuar gjithashtu drone dhe raketa sulmuese Houthi që synonin Izraelin.
