Presidenti në largim i SHBA Joe Biden po mban fjalimin e fundit për politikën e jashtme të presidencës së tij.
Një deklaratë e Shtëpisë së Bardhë tha se fjalimi i zotit Biden do të mbulojë "punën e administratës së tij për të forcuar Amerikën dhe për të udhëhequr botën".
Konflikti në Lindjen e Mesme dhe përpjekjet e zotit Biden për të ndërmjetësuar një armëpushim dhe marrëveshje për lirimin e pengjeve në Gaza ka të ngjarë të diskutohen, si dhe se si SHBA ndihmuan në sigurimin e përfundimit të luftimeve midis Hezbollahut dhe Izraelit në Liban.
Fjalimi i sotëm do të jetë hera e parafundit që ai flet me vendin përpara përfundimit të presidencës së tij. Ai do të mbajë një fjalim lamtumire të mërkurën.
