Tani zyrtaritsht Donald J. Trump është presidenti i 47 i SHBA-së. Të hënën (20.01.2025) republikani bëri betimin në Kapitol në Uashington. "Epoka e artë e Amerikës nis pikërisht tani", tha Trump pas betimit. "Tashmë iu dha fund rënies së Amerikës." Ndër të tjera ai deklaroi daljen nga Marrëveshja e Parisit për Klimën dhe dëbimin e miliona emigrantëve ilegalë.
Donald Trump Ai vjen për herë të dytë në Shtëpinë e Bardhë, mandati i tij i parë ishte në vitet 2017 deri 2021.
Fokusi tek "America first"
Shumë zgjedhës të Trumpit konsiderojnë një premtim të tij veçanërisht të rëndësishëm, që SHBA "të jetë e para". Trump është shprehur kritik ndaj NATO-s dhe në mandatin e tij të parë pati shfuqizuar antarësinë në Organizatën Botërore të Shëndetësisë dhe nga Marrëveshja e Parisit për Klimën.
Politikë strikte migracioni
Në mandatin e tij të dytë në fokus të qeverisë Trump do të jetë dëbimi i migrantëve, që qendrojnë pa dokumenta në SHBA. Premtimi i tij elektoral, për të dëbuar një milionë njerëz në vit, në aspketin logjik dhe financiar duket mjaft i vështirë të realizohet. Por sidoqoftë kuota e dëbimeve nën presidentin Trump do të rritet fuqishëm. Ekspertët mendojnë, se qeveria do të vështirësojë edhe imigrimin ilegal në SHBA.
Hyrja në politikë pas karrierës si biznesmen
Donald Trump ka lindur më 14 qershor 1946 në Nju Jork në lagjen Queens. Gjyshi i tij nga babi pati emigruar në SHBA në fundin e shekullit të 19-të nga qyteza gjermane Kallstadt në landin e Renani-Palatinates. Donald Trump ka ndjekur shkollën prestigjoze Wharton School of Business në Filadelfia, ku mbaroi studimet më 1968 me Bachelor në shkencat ekonomike.
Në vitet 1970 – 1980 ai i zgjeroi bizneset e pasurive të patundhme të familjes së tij, të njohura si Trump Organization, zhvilloi projekte prestigjoze si Trump Tower në Manhattan, ku ai edhe banonte, përpara se të transferohej në Florida. Me kalimin e viteve organizata e tij menaxhonte shumë hotele, kazion dhe parqe golfi, shumë prej të cilave falimentuan.
Tri martesa, pesë fëmijë
Në vitin 2005 Trump u martua me Melania Knavs, njëish-modele sllovene. Çifti ka një djalë, Barron Trump. Përpara Melanisë, Trump ka qenë i martuar me aktoren Marla Maples. Ajo pas divorsit e rriti e vetme vajzën e tyre Tiffany në Kaliforni. Nga martesa e parë e Trumpit me Ivana Zelnickova nga viti 1977 deri më 1990, ai ka tre fëmijë: Donald Jr., Ivanka dhe Eric./DW
