Presidenti i SHBA-së Donald Trump njoftoi se po vendoste tarifa, kufizime vizash dhe masa të tjera hakmarrëse ndaj Kolumbisë pasi qeveria në Bogota refuzoi të pranonte dy fluturime me emigrantë.
Ato përfshijnë vendosjen e tarifave 25 për qind për të gjitha mallrat që vijnë në SHBA, të cilat do të rriten me 50 për qind në një javë, një ndalim udhëtimi dhe heqje vizash për zyrtarët e qeverisë kolumbiane dhe aleatët e tyre, zbatimi i plotë i sanksioneve të jashtëzakonshme të thesarit, bankave dhe financiare dhe shtimi i inspektimeve kufitare të qytetarëve kolumbianë.
Trump tha se masat ishin të nevojshme pasi vendimi i presidentit kolumbian Gustavo Pedro "vë në rrezik sigurinë kombëtare të SHBA-së".
“Këto masa janë vetëm fillimi. Ne nuk do të lejojmë që qeveria kolumbiane të shkelë detyrimet e saj ligjore në lidhje me pranimin dhe kthimin e kriminelëve që ata kanë detyruar të shkojnë në Shtetet e Bashkuara," shkroi Trump në Truth Social.
Më herët sot, presidenti kolumbian tha në X, se qeveria e tij nuk do të pranonte fluturime me migrantë të dëbuar nga SHBA derisa administrata Trump të krijojë një protokoll për të siguruar që migrantët të trajtohen me dinjitet.
Refuzimi i Kolumbisë për të pranuar fluturimet është rasti i dytë i një vendi të Amerikës Latine që refuzon fluturimet e dëbimit nga SHBA. Vendimi i Kolumbisë vjen pas vendimit të Meksikës për të refuzuar një kërkesë javën e kaluar për të lejuar uljen e një avioni ushtarak amerikan që transportonte migrantë.
