Presidenti i SHBA-ve, Donald Trump ka nënshkruar një urdhër ekzekutiv për të riemëruar pjesën amerikane të Gjirit të Meksikës si Gjiri i Amerikës dhe ka shpallur 9 shkurtin si "Dita e Gjirit të Amerikës."
Ky vendim, pjesë e përpjekjeve të tij për të "rivendosur madhështinë amerikane," urdhëron agjencitë federale të përditësojnë hartat dhe dokumentet zyrtare.
Riemërtimi ka shkaktuar polemika, me disa zyrtarë meksikanë që e quajnë provokues, edhe pse nuk ndryshon kufijtë ndërkombëtarë.
Sekretari i Brendshëm, Doug Burgum, e përgëzoi vendimin, ndërsa kritikët e shohin si një veprim simbolik nacionalist, transmeton Newsweek.
Gjatë konferencës së tij të parë për shtyp pas marrjes së detyrës në vitin 2025, ai u tha gazetarëve: "Do të ndryshojmë emrin e Gjirit të Meksikës në Gjiri i Amerikës, i cili tingëllon bukur. Ai përfshin një territor të madh. Gjiri i Amerikës. Çfarë emri të bukur. Dhe është shumë i përshtatshëm."
Ndërkohë, Trump përsëriti pretendimin e tij se Kanadaja duhet të bëhet shteti i 51-të i SHBA-së, duke shkaktuar reagime të ashpra nga Kryeministri kanadez, Justin Trudeau.
