Një përplasje në ajër mes dy avionëve të vegjël në një aeroport rajonal në Arizona ka lënë të vdekur të paktën dy persona sot, njoftuan autoritetet.
Përplasja vdekjeprurëse ndodhi në Aeroportin Rajonal Marana, në veriperëndim të Tucson, tha Departamenti i Policisë Marana.
Autoritetet konfirmuan se të paktën dy persona u vranë, megjithëse vunë në dukje se detajet ishin të kufizuara pasi reaguesit e parë ishin ende duke punuar në vendin e ngjarjes.
Avionët që u përplasën në ajër u identifikuan si një Cessna 172S dhe një Lancair 360 MK II, të dy avionë me krahë fikse, me një motor, tha Bordi Kombëtar i Sigurisë së Transportit (NTSB). Agjencia tha se po heton incidentin.
Përplasja është e fundit në një tendencë shqetësuese të aksidenteve të fundit në Amerikën e Veriut.
Një fluturim i Delta Air Lines nga Minneapolis u rrëzua dhe u përmbys gjatë uljes në aeroportin Pearson të Torontos të hënën pasdite. Askush nuk humbu jetën fatmirësisht, por autoritetet thanë se 21 pasagjerë në bord pësuan lëndime.
Në katastrofën më vdekjeprurëse të aviacionit amerikan që nga viti 2001, një helikopter i ushtrisë dhe një fluturim i American Airlines që po zbriste në Aeroportin Kombëtar “Ronald Regan” të Uashingtonit më 29 janar, u përplasën në ajër, duke vrarë të gjithë 67 personat në dy avionë.
