Emigrantët shqiptar nga treva e Ulqinit, Ana e Malit dhe Kraja,me rastin e fillimit të muajit të agjerimit Ramazanit, u kujdesën të dërgojnë ndihma(pako me ushqime) familjeve në nevojë me rastin e muajit të shenjtë të Ramazanit.
Simbas nji njoftimi në faqen e rrejtit social Fb, të Shoqatës Ulqini, në Staten Island Nju Jork, thuhet se janë siguruar dhe shpërndar nga të ardhurat e tyre financiare, pako ushqimore për 130 familje në Ulqin, Ana e Malit dhe Kraja, ku së paku 50 pako nga prej tyre, janë përkatësisht nga Shoqata “Ulqini” në Nju Jork.
Duke i drejtuar një falenderim të veçantë për Bashksinë Islame për bashkëpunimin perfekt dhe gjithë grupint vullnetar për shpërndarjen e pakove ushqimore, krajanët, anamalasit, dhe ulqinakët në Nju Jork, thonë se kurr nuk do e harrojnë vendlindjen e tyre, duke e ndihmuar në çdo rast që e lyp nevoja atë
Xhemo Lanica kryetar e Shoqatës Ulqini në Staten Island-NY, shkruan se misioni perfundoi me sukses dhe se vazhdojmë për Ulqinin:
“Me krenari themi se organizimi dhe shpërndarja e pakove ushqimore për të gjitha familjet në nevojë në Ulqin,Anën e Malit dhe Krajë ishte një sukses i plotë! Misioni ynë u krye dhe ka shumë aktivitete të tjera në vazhdim!”
Në fund të këtij njoftimi nuk mungon edhe urimi për fillimin e muajti të shejtë të Ramazanit, “Urime nga zemra për muajin e shenjtë të Ramazanit, shëndet, paqe, harmoni në familjet tuaja dhe agjërim të lehtë për të gjithë agjëruesit, shkruajn donatorët.
