Presidenti Joe Biden i ka dhënë fund kandidaturës së tij për rizgjedhje dhe ka miratuar zëvendës presidenten Kamala Harris për ta pasuar atë. Presidenti tha se do të përfundojë mandatin e tij si President dhe do t’i drejtohet kombit këtë javë.
Shtypi amerikan shkruan se mosha ishte dobësia më e madhe politike e Presidentit Joe Biden, që kur ai filloi fushatën e tij të parë kundër ish-presidentit Donald Trump, pesë vjet më parë.
Por performanca e tij jo e mirë në debatin e CNN-it, më 27 qershor tronditi shumë amerikanë në atë që ishte edhe reagimi i tyre jo shumë mbështetës ndaj presidentit që nga raundi i fundit i debateve në 2020.
Në ditët që pasuan, një numër në rritje demokratësh i bënë thirrje presidentit të largohej nga gara presidenciale e 2024-ës.
Biden u përfshi në një sërë ngjarjesh ku synonte të provonte aftësinë e tij për detyrën, por nga ana tjetër pati edhe një tjetër ngjarje që i dha Trump shumë përparësi, plagosja e tij gjatë një atentati që iu bë në Pensilvani.
Presidenti Joe Biden lëshoi si deklaratë të dielën një letër ku ai tha se nuk do të kërkojë rizgjedhjen. Presidenti Joe Biden të dielën u tërhoq nga gara presidenciale 2024.
Vendimi erdhi pas përshkallëzimit të presionit nga aleatët demokratë të Biden për t'u larguar pas një debati katastrofik kundër ish-presidentit Trump më 27 qershor.
Këtu është një afat kohor i datave kryesore midis asaj performance dhe njoftimit të tij për t'u tërhequr:
27 QERSHOR: Biden dhe Trump debatojnë në Atlanta. Performanca e papërqendruar dhe e paqartë gjerësisht e Biden ngjalli ankth te demokratët.
28 QERSHOR: Biden pranon performancën e tij të dobët të debatit në një tubim elektoral në Karolinën e Veriut: "Unë nuk flas aq mirë sa dikur. Unë nuk debatoj aq mirë sa dikur. Por e di atë që di: e di si të them të vërtetën”.
2 KORRIK: Kongresisti Lloyd Doggett, D-Texas, bëhet demokrati i parë që kërkon që Biden të tërhiqet nga gara presidenciale 2024.
5 QERSHOR: Në intervistën në studio me George Stephanopoulos të ABC-së, Biden këmbëngul se do të qëndrojë në garë, pavarësisht pyetjeve të "rënda" për t'u tërhequr nga thirrjet brena partisë të cilat nisën të shtoheshin.
7 KORRIK: Grupit të Nadler kongresistit të Nju Jorkut iu shtuan pë pesë ditë edhe katër demokratë të tjerë të Kongresit që i bëjnë thirrje që Biden të largohet nga gara.
8 KORRIK: Biden flet në "Morning Joe" të MSNBC, duke thënë: "Unë nuk do të shkoj askund- pra nuk tërhiqem kam nisur një punë që do ta përfundojë", ndërsa udhëheqësit e lartë demokratë, progresistët dhe anëtarët e Grupit të Kongresit thonë se po qëndrojnë pas presidentit.
11 KORRIK: Biden mban një konferencë shtypi pas samitit të NATO-s, duke iu përgjigjur pyetjeve mbi politikën, por edhe duke e quajtur gabimisht zëvendës presidentin Harris "Zëvendës President Trump". Biden u thotë gazetarëve: "Duhet ta përfundoj këtë punë, sepse ka shumë në rrezik, në se e lë papërfunduar."
13 KORRIK: Përpjekja për atentat ku plagos lehtë në veshin e djathtë Trump në Butler Pensilvani; ishte koha kur përpara atentatit, Biden mban disa biseda private të tensionuara me ligjvënësit demokratë, dhe dy liderit demokrat në kongres dhe senat.
15 KORRIK: Në një intervistë me Lester Holt të NBC-së, Biden zotohet se nuk do të largohet nga gara 2024: "Është në thelb një garë përmbysëse" tha ai.
17 KORRIK: Në Nevada, Biden rezulton pozitiv për Covid, shkon në shtëpinë e tij në Delaware.
18 KORRIK: NBC News raporton se Biden ndihet personalisht i lënduar dhe i tradhtuar nga mënyra sesi demokratët kryesorë disa nga figurat e larta demokrate, ose njerëzit më të besueshëm – përfshirë ish-presidentin Barack Obama – u lëkundën në fushatën e tij, dhe i kërkuan drejtpërsëdrejti tërheqjen nga gara.
21 KORRIK: Biden njofton me anë të një letre se do të largohet nga gara presidenciale 2024 dhe po në atë letër miraton VP Harris të jetë kandidati i partisë.
