Kryeministri Edi Rama, thuhet se me "mitingun" e së shtunës në Nju Jork, do të rikthejë takimet me diasporën shqiptare. Edhe pse turin e nisur e la në mes, duke anuluar takimin me shqiptarët që jetojnë në Britaninë e Madhe, she Gjermani, (gjithmon duke iu referuar axhendës së tij) Rama, ka vendosur (ka vënë bast)që të vazhdojë nismën e tij, me Nju Jorkun dhe Selanikun .
Kështu të paktën kan lëshuar "pikasmën" autoporlantët e propogandës së rilindjes nga Tirana.
Pra, pas takimeve në Athinë e Milano, kreu i qeverisë Edi Rama, pritet të zhvillojë tashmë takimin që do të mbahet me shqiptarët në New York, të shtunën në 26 tetor, në orën 11:00 me atë të New Yorkut dhe 17:00 me orën e Tiranës, në adresën Gotham Hall, 1356 Broadway NYC.
Kuptohet vetiu se turi në Nju Jork, Ramës, është i sajuar në moment të fundit( pra, vetëm 30 ditë mbasi ai ishte në Amerikë, dhe u takua me komunitetin), por, që turi i Ramës, ka prapa tij kësaj radhe një qëllim tjetër më të fshehtë.
Duhet sqaruar se takimi ku është i ftuar Kryeministri i Shqipërisë, ministra e deputet socialist, patronazhistët të ardhur enkas nga Tirana, për shkak të ligjeve amerikane, është i regjistruar si aktivitet kulturor (pra spektakel artistik- koncert me këngëtaren Elvana Gjana) dhe do të mbahet në sallën e Gotham Hall, e cila është një hapësirë ikonike e dasmave më luksoze dhe eventeve kulturore në zemër të qytetit (Midtown) të Nju Jorkut, (rezervimi për një dasmë ose koncert kushton për 1 orë mbi 50 mijë dollar, dhe minimumi 435 dollar pijata)."
Mirëpo tani që është në lojë me mandatin e 4t i qeverisë, Edi Ramës, siç erdhi në pushtet në 2013, atij duket se i duhet patjetër edhe vota e diasporës, e cila në Amerikë është e dyshimtë, dhe i duhet më shumë se çdo gjë tjetër edhe ajo "fotografia" me këdo që vjen në Shtëpinë e Bardhë.
Për të justifikuar ardhjen kësaj radhe në Amerikë, Rama do të provojë ta joshë diasporën e Amerikës, dhe veçanërisht me këtë "miting elektoral", me "mashtrimin" se në mandatin e 4t të tij ai do tu ndërtojë qendrën kulturore në mes të Nju Jorkut.
Një premtim(propogandistik) ky që ka tre dekada që bëhet nga kryeministrat shqiptar, prej nga Berisha, Fatos Nano, Pandeli Majko, Ilir Meta, dhe tani Edi Rama.
Rama, po ashtu thuhet se dotë flasë edhe për "rëndësinë" e votës së diasporës, dhe antarsimin e Shqipërisë në 2030 në BE.
Por, ajo që është një model që mund të imitohet edhe kësaj radhe nga kryeministri Rama, është se Rama duke ardhur të shtunën në "takim" me shqiptarët e Amerikës, të dielën në Madison Square Garden, kohë kur Donald Trump ka planifikuar një takim në Madison Square Garden (e diel më 27 tetor), një ditë para takimit të Ramës në Nju Jork, dhe një javë para zgjedhjeve të 5 nëntorit, Edi Rama , me "ndërhyrjen" e dhëndrrit(Jared Kushner) mund të takohet me Donald Trumpin, qoftë edhe për një fotografi, që do ti duhet Ramës në se Trumpi fiton zgjedhjet e 5 nëntorit.
Edi Rama duke marrë shembull atë fotografin me Obamën në 2012, kur një shqiptaro-amerikan nga Nju Xhersi që qe akuzuar se mori para “nga jashtë Amerikës” për të blerë dy bileta pjesëmarrjeje në një takim për mbledhje fondesh në San Francisko, dhe u dënua me burg mbasi ai e pranojë fajësinë se takimi që u përdor nga Rama për të pasur një foto me Obamën, foto që u përdor për fushatën elektorale shqiptare të vitit 2013, tani i duhet një "fotografi" me Trumpin.
(Sipas Reuters dhe mediave të tjera amerikane, vet Shehu pranoi fajësinë duke deklaruar se në shtator 2012, ai mori një transfertë bankare prej 80 mijë dollarësh “nga një burim i huaj” me dijeni të plotë se këto para duhej të përdoreshin për të paguar pjesëmarrjen në një aktivitet për mbledhje fondesh për fushatën e Obamës.)
Athere megjithëse , aktakuza nuk e përmendi emrin e financuesit të huaj të këtij operacioni të paligjshëm në SHBA, por Reuters tha se personi që përfitoi nga financimi qe Edi Rama, dhe që u bë në 2013 edhe kryeministër i Shqipërisë, post që ai po e mban në tre mandate.
Mirëpo, tani mbas atyre dekleratave skadaloze të Edi Ramës të 2016 në CNN kundra Trumpit, ku Rama e quajti Trumpin një rrezik për botën, Shqipërinë e Kosovën, dhe atë dekleratën e ashpër në një intervistë, dhënë për revistën e mirënjohur amerikane “Foreign Policy”, ku Kryeministri Rama, ka shprehur kritika të forta për Republikanin, Donald Trump, duke e quajtur atë edhe " si trup të civilizimit tonë", Edi Ramës tani në se fiton Trumpi, i duhet "fotografia", pikërishtë tani që është në lojë edhe mandati i 4t i qeverisë Rama.
Dhe dihet se kjo fotografi vjen në konsiderat me Trumpin vetëm në se ai fiton mbasi me Harris, Edi Rama, e ka të sigurt përkrahjen amerikane duke pasur Sorosin nga pas.
Kësaj radhe Rama vjen në Nju Jork, jo për shqiptarët e Amerikës por që pritet të takohet me qarqet më ndikuese në Washington nga familja Soros tek familja Trump me dhëndrin e Trump, Jared Kushner i cili ka bërë marrëveshjen për ndërtimin e resortit luksoz në ishullin e Sazanit, duke kaluar në klanin e Blinken për të biseduar "marrjen e lejes" për mandatin e 4-të.
