Atletika me stadium të ri në Kosovë, ky është lajmi më i mirë.
Stadiumi do të ndërtohet në Novosellë, 10 kilometra larg qytetit të Kamenicës.
Marrëveshja u nënshkrua para pak çasteve në objektin e Komunës së Kamenicës.
Atleti i mirënjohur Musa Hajdari, anëtar i KA Rogana, tha se ky është lajmi më i mirë jo vetëm për komunitetin e atletikës.
“Kapaciteti i stadiumit do të jetë diku me 1.500 ulëse.
Ndryshe ka me qene stadium që i plotëson standardet për organizim të garave ndërkombëtare.
Është projekt gjigand me plotëkuptimin e fjalës, me standarde ndërkombëtare”, thotë Hajdari për gazetën kombëtare “Bota sot”.
Shtegu do të jetë me 8 korsi dhe sipas standardeve ndërkombëtare.
Një stadium modern.
“Me 8 korsi dhe me te gjitha sektorët përcjellëse që përfshin atletika,
Vrapimet, kërcimet, hedhjet po ashtu edhe objektet përcjellëse që i nevojiten një stadiumit”, ka nënvizuar ai.
Hajdari tregon sa do të kushtojë ndërtimi i këtij stadiumit.
“Është projekt që kap vlerën e mbi 3 milion eurove.
Do të ndërtohet në Novosellë të Kamenicës”, ka përfunduar Hajdari.
