Tifozët dhe shikuesit e atletikës mbetën të habitur pasi pamjet e pabesueshme të një sprinteri 16-vjeçar nga Australia duke fituar një garë 100 metra u bënë virale në internet.
Gout Gout, një atlet i lindur në vitin 2007 nga Brisbane, është quajtur si ‘Usain Bolt i ardhshëm’ pas vrapimit të tij mbresëlënës.
Ai arriti t’i kalojë 100 metra në 10.2 sekonda në Kampionatin e Atletikës në Queensland të këtij viti.
Pasi vrapoi së bashku me konkurrentët e tjerë për 40 metra, Gout u tërhoq me besim dhe përfundoi shumë përpara kundërshtarëve të tij.
Më parë, në moshën vetëm 15-vjeçare, adoleshenti vendosi një rekord të ri australian për grupmoshën e tij duke përfunduar garën 200 metra nën 18 vjeç në vetëm 20,87 sekonda, që ishte 0,03 sekonda më i shpejtë se rekordi i mëparshëm i mbajtur nga Paul Greene, Zane Branco dhe Darren Klark.
Përveç kësaj, ai ka thyer rekordin e tij të mëparshëm personal prej 10.43 sekondash në garën e 100 metrave.
“Më pëlqen atletika sepse është personale.
Më pëlqen që është individuale dhe rezultatet më tërheqin”, kishte deklaruar Gout në një intervistë të mëparshme me Athletics Australia.
Atleti i ri i talentuar ka lindur në Australi në vitin 2007, dy vjet pasi prindërit e tij emigruan nga Sudani i Jugut në vitin 2005 dhe është një nga shtatë fëmijët e familjes së tij.
