Katër shqiptarë, një ukrainas dhe italiane në podium, përfundon me sukses Maratona e Tiranës në distancën 10 kilometra
David Nikolla nga Shqipëria ka fituar Maratonën e Tiranës në distancën 10 kilometra. Pas tij si vend i dytë u rendit Albion Ymeri i Kosovës, ndërsa podiumin e plotësoi Bogdan Somenojeh nga Ukraina.
Për të njëjtën distancë, në kategorinë e femrave u shpall fituese Gresa Bakraqi e Kosovës. Ndërkohë Redia Dauti nga Shqipëria mori vendin e dytë. Podiumin e plotësoi si vend i tretë Luiza Gaia Dal Molin.
Vendi i parë fitoi 800 euro, i dyti 600 euro dhe i treti 500 euro. Kjo është vetëm kategoria 10 kilometra e Maratonës së Tiranës, që mori jetë mëngjesin e sotëm.
