Një ngjarje tragjike ka tronditur komunitetin sportiv në Irlandë dhe Shqipëri.
Atletja shqiptare Anila Muçaj, me origjinë nga Salaria, ka humbur jetën në një aksident automobilistik në orët e paradites në Irlandë dy ditë më parë.
Lajmi i dhimbshëm është konfirmuar nga autoritetet lokale dhe është pasqyruar gjerësisht në mediat irlandeze.
Anila Muçaj ishte një atlete e talentuar, e cila garonte për një ekip irlandez dhe kishte fituar respektin e komunitetit sportiv për përkushtimin dhe arritjet e saj. Ajo ishte një shembull i pasionit dhe sakrificës në sport, duke ndjekur ëndrrën e saj larg vendlindjes.
Sipas raportimeve paraprake, aksidenti ndodhi rreth orës 10:00 të mëngjesit, ndërsa rrethanat e plota të ngjarjes ende nuk dihen.
Lajmi ka shkaktuar dhimbje dhe trishtim të madh te familjarët, miqtë dhe kolegët e saj. Klubi sportiv për të cilin ajo garonte ka shprehur ngushëllimet.
Ngushëllimet më të thella i shprehim familjes së saj në këtë moment të vështirë.
