Grupi Volkswagen thuhet se planifikon të ndalojë prodhimin e automjetit elektrik të serisë ID.3 në fabrikën e saj në Dresden, Gjermani.
Sipas burimeve të cituara nga Automobilwoche, vendimi për t’i dhënë fund prodhimit të Volkswagen ID.3 në Dresden është pjesë e një përpjekjeje për uljen e kostove nga CEO, Oliver Blume, megjithëse nuk u bë e ditur se kur do ta ndalë prodhimin.
Fabrika, e cila u hap në vitin 2002 si Fabrika Transparente që ndërton sedanë Volkswagen Phaeton të nivelit të lartë, filloi të ndërtojë automjete elektrike në vitin 2017, kur filloi të prodhonte Volkswagen e-Golf tërësisht elektrik.
Fabrika ndaloi prodhimin e e-Golf në fund të vitit 2020 dhe filloi prodhimin e zëvendësimit të tij, ID.3, në 2021.
Fabrika e Dresdenit ndërtoi 6,500 modele hatchback elektrikë ID.3 në vitin 2022. Vendi është shumë i vogël në krahasim me impiantet e tjera të VW në Gjermani për vetura elektrike.
