Xpeng po kërkon të zgjerojë shitjet, ndërsa përpiqet të shmangë tarifat më të larta në Evropë duke kërkuar një vend prodhimi në rajon.
Sipas mediave të huaja, prodhuesi i makinave është në fazat fillestare të zgjedhjes së një vendi në Bashkimin Evropian.
Kjo thuhet se është bërë e ditur nga shefi ekzekutiv He Xiaopeng të enjten e kaluar në një intervistë në selinë e kompanisë në Guangzhou, Kinë.
Xpeng, partneri kinez i Volkswagen, pret të zgjerohet në zona me “rreziqe relativisht të ulëta të punës”, tha ai.
Ai ka bërë të ditur se kompania gjithashtu planifikon të ngrejë një qendër të dhënash në shkallë të gjerë në Evropë.
Tarifat më të larta nuk do të ndryshojnë planin më të gjerë të Xpeng “për të shkuar” në botë, ka theksuar ai, megjithëse taksat do të dëmtojnë fitimet nga disa vende evropiane.
Shtetet e Bashkuara gjithashtu kanë vendosur tarifa për importet kineze të automjeteve elektrike që mund të arrijnë 100%, pasi dy ekonomitë më të mëdha në botë përballen me një industri që po rritet me shpejtësi falë pjesërisht subvencioneve të Pekinit.
