Edhe pse u la të “kalbet” për dekada, seria T Bentley tashmë është rikthyer në ‘jetë’ falë një restaurimi të plotë, në mënyrë që të shkëlqejë si dikur.
Është njësia më e vjetër e modelit Bentley T-Series, i prodhuar në vitin 1965.
Fillimisht u përdor për provë dhe iu shfaq gazetarëve në Motor Show në Paris atë vit, pas së cilës u largua nga kompania dhe “u zhduk”, për t’u gjetur vetëm 59 vjet më vonë.
Pasi u konstatua se ishte njësia e parë dhe më e vjetër “e gjallë” e modelit Bentley T-Series, pasoi një restaurim i detajuar me synimin për të ruajtur veturën në një gjendje sa më origjinale.
Disa pjesë të rëndësishme, si paneli i kontrollit dhe dekorimi i brendshëm mungonin, dhe kishte probleme me korrozionin për shkak të riparimeve të bëra keq pas përplasjes.
Megjithatë, motori i tij V8 6.23 litra, i cili prodhon 228 kuaj-fuqi, ishte në gjendje çuditërisht të mirë, por kishte nevojë për servisim.
E njëjta gjë vlen edhe për ndërruesin e shpejtësive, që kërkonte vetëm “rregullime të vogla”, si dhe boshti i pasmë, i cili kishte nevojë amortizator të ri.
Duke pasur parasysh faktin se pjesët e këmbimit janë të vështira për t’u gjetur, ekipi i restaurimit të Bentley gjeti një veturë donatore.
Në këtë mënyrë Bentley-i i restauruar mori pjesët që i mungonin dhe u zëvendësua krahu i pasëm i gërryer, u “freskua” kontrolli i drejtimit hidro-pneumatik dhe u vendos pulti.
Tani Bentley T-Series është rikthyer në gjendjen e saj të vitit 1965, kjo është arsyeja pse ajo mund të ofrojë performancën e fabrikës kur bëhet fjalë për shpejtësinë.
Vetura përshpejtoi nga 0 në 100 km/h për 10,9 sekonda dhe arriti një shpejtësi maksimale prej 185 km/h.
