Volkswagen prezantoi modelin Tayron si një version të zgjeruar të Tiguan.
Tayron nuk është një emër i ri në gamën e Volkswagen. Që nga viti 2018 ndodhet në Kinë dhe tani është pjesë e portofolit evropian të kompanisë.
Në thelb, është një version me shtatë ulëse të gjeneratës së fundit Tiguan. Me fjalë të tjera, ai zëvendëson Tiguan Allspace të vjetër të shitur në Evropë.
I pozicionuar midis Tiguan dhe modelit më të madh SUV Touareg, Tayron nuk është një model që do të jetë ekskluzivisht i disponueshëm me shtatë ulëse, pasi mund të porositet edhe me vetëm dy rreshta ulësesh.
Mund të konsiderohet gjithashtu ekuivalenti i Škoda Kodiaq. Sa i përket dizajnit, nuk ka surpriza të mëdha, pasi duket mjaft i ngjashëm me Tiguan-in e “shtrirë”.
Tayron është 4,770 mm i gjatë, që e bën atë 231 mm më të gjatë se Tiguan. Gjerësia e automjetit është 1,852 mm, ndërsa lartësia 1,660 mm, dhe të dyja këto dimensione janë pak më të mëdha se ato të Tiguan.
Tayron është një SUV jashtëzakonisht praktik. Kapaciteti i bagazhit pas ulwseve varion nga 345 litra për versionin me 7 vende në 885 litra për modelin me pesë ulëse.
Nëse edhe rreshti i dytë paloset, vëllimi rritet në 2090 litra për variantin me 5 vende ose në 1905 litra për konfigurimin me tre rreshta.
Të gjitha versionet e Tayron marrin një ndërrues automatik me gjashtë shpejtësi për hibridet plug-in dhe shtatë për modelet me motor konvencional.
