Dy supermakina Bugatti, një Chiron Super Sport dhe një Chiron Pur Sport, u përfshinë në një aksident në Marok.
Sipas mediave të huaja, përcjell Telegrafi, automjetet shumëmilionëshe ishin pjesë e një autokolone kur ndodhi aksidenti pasi të dy drejtuesit tentuan të parakalonin një kamion njëkohësisht.
Sipas pamjeve të shpërndara në internet, Chiron Super Sport u përpoq të parakalonte kamionin ashtu si edhe Pur Sport përpara bëri një lëvizje, duke rezultuar në një përplasje midis dy hipermakinave.
Super Sport ka rrëshqitur nga rruga, ndërsa Pur Sport ka arritur të ndalet pa dëme të konsiderueshme.
Veç tyre, edhe kamioni i përfshirë në aksident ka dalë nga rruga, duke u përplasur në anën e djathtë.
