Pasi viti i kaluar iu kushtua Golfit, Volkswagen ia kushtoi vitin 2025 një 50-vjeçari tjetër.
Besoni apo jo, edhe emri tjetër i Volkswagen, Polo disi i harruar, po feston 50-vjetorin e ‘lindjes'.
Pikërisht kështu, VW Polo i parë u prezantua në vitin 1975 dhe kaloi rrugëtimin përmes gjashtë gjeneratave.
Me mbi 20 milionë njësi të shitura, Polo është modeli më i suksesshëm në histori në klasën e tij dhe, duke gjykuar nga tendencat aktuale, do ta ruajë këtë titull.
Sot, disa segmente të tjera janë në fokus, por Polo ishte dhe mbetet një nga Volkswagen-ët më të njohur të të gjitha kohërave.
Dekadat e fundit janë shënuar me tre emra. Passat ishte i pari që mbërriti në 1973. Një vit më vonë vjen Golf, dhe më pas Polo i lartpërmendur.
