Kina ka publikuar bilancin e 24 orëve të fundit me koronavirus.
Kina raportoi 42 raste të reja me COVID-19 në territorin më 31 janar, duke rënë ndjeshëm nga 92 raste një ditë më parë, tha të hënën autoriteti kombëtar i shëndetësisë, raporton Reuters.
Komisioni Kombëtar i Shëndetësisë tha në një deklaratë se 33 nga rastet e reja ishin infeksione të transmetuara në vend, nga 73 një ditë më parë. Numri i infeksioneve asimptomatike, të cilat Kina nuk i klasifikon si raste të konfirmuara, gjithashtu ra në 16 nga 19 një ditë më parë.
Numri i përgjithshëm i infeksioneve të konfirmuara nga COVID-19 i kontinentit deri më tani qëndron në 89,564, ndërsa numri i vdekjeve mbeti i pandryshuar në 4,636.
