Një anije nga Panamaja u shemb në një port verior të Japonisë, më pas u nda në dysh dhe nga ajo po rridhte naftë.
Sidoqoftë, për fat të mirë, nuk pati të lënduar në mesin e ekuipazhit prej 21 personash dhe rrjedhja e naftës po kontrollohej pa asnjë shenjë se kishte arritur në breg, kanë thënë Rojet Bregdetare Japoneze.
Siç vënë në pah mediat, anija 39,910 ton, “Crimson Polaris”, mbante copa druri kur u përplas me tokën të mërkurën në mëngjes në portin Hachinohe.
Anija, e cila ishte në fund të një udhëtimi nga Tajlanda, u nda në dysh , tha Roja Bregdetare.
Dy pjesët e anijes nuk kanë lëvizur dhe po monitorohen nga afër nga anijet patrulluese, dhe deri vonë pasdite nuk kishte pasur ndonjë ndryshim të dukshëm të madh në situatën e saj, tha një zëdhënës i Rojës Bregdetare.
