Skena kaotike nga aeroporti teksa afganët përpiqen të ikin

Azia

Skena kaotike nga aeroporti teksa afganët përpiqen të ikin

Më: 16 gusht 2021 Në ora: 12:39
Aeroporti në Kabul

Disa persona janë mbytur në aeroportin e Kabulit, teksa qindra njerëz janë munduar të futen me forcë në aeroplanë për të ikur nga kryeqyteti afgan, kanë treguar dëshmitarët për agjencinë e lajmeve Reuters.

Një dëshmitar ka thënë se ka parë trupat e pesë personave duke u dërguar në një automjet.

Një tjetër dëshmitar ka thënë se nuk është e qartë nëse viktimat janë mbytur nga të shtënat me armë apo nga rrëmujat.

Trupat e Shteteve të Bashkuara të Amerikës, të cilat e menaxhojnë aeroportin, më parë kanë shtënë në ajër për të shpërndarë turmat, ka bërë të ditur një zyrtar amerikan.

comment Për komente lëvizni më poshtë
Sot mund të lexoni Shfletoni kopertinat