Qetësia është kthyer në Kabul pas skenave kaotike në aeroportin ndërkombëtar të qytetit dje, ndërsa qindra njerëz u përpoqën të largoheshin nga Afganistani, shkruan BBC, përcjell Bota sot.
Sipas raportimeve lokale, rrugët e kryeqytetit kanë mbetur të qeta ditën e dytë të plotë të sundimit talibanë, edhe pse militantët mbajnë një prani të fortë.
Trupat franceze mbajtën roje në aeroportin e Kabulit gjatë natës përpara fluturimit të parë të evakuimit të njerëzve në Abu Dhabi. Vendet e tjera gjithashtu kanë vazhduar programet e tyre të zhvendosjes.
Të martën, të tjerët që ende prisnin të largoheshin nga Afganistani u mblodhën jashtë ambasadës franceze në Kabul.
