Disa pamje të shpërndara gjerësisht në rrjetet sociale shfaqin një vajzë që u lutet ushtarëve perëndimorë që ta ndihmojnë të shpëtojë nga talebanët në aeroportin e Kabulit.
Megjithatë, BBC që shkroi për ngjarjen tha se nuk ka arritur ta verifikojë qartë se ku është filmuar video.
Skena kaotike në aeroportin e Kabulit ka pasë për disa ditë, ndërsa mijëra njerëz po përpiqen të largohen nga vendi pasi talebanët morën kontrollin e kryeqytetit.
Të hënën një numër njerëzish vdiqën dhe turmat e mëdha në pistë çuan në ndalimin e të gjitha fluturimeve për disa orë.
Por, turmat e mëdha të njerëzve në panik vazhdojnë të jenë në aeroport, shumë prej të cilëve kanë pak shanse për të ikur nga Afganistani.