Komisioni i Lartë Zgjedhor i Pavarur i Irakut shpalli rezultatet e numërimit manual të së dielës për 3,681 vendvotime të cilat nuk kishin qenë në gjendje të dërgonin numrin e tyre më parë për shkak të “dështimit të zbatimit të masave të nevojshme teknike”.
Këto rezultate do t’i shtohen atyre të shpallura më parë dhe do të publikohen për publikun në faqen zyrtare të IHEC, shkruan AP.
Rezultatet paraprake për zgjedhjet parlamentare të 10 tetorit treguan se blloku i klerikut populist shiit të Irakut, Muqtada al-Sadr, mban shumicën e vendeve në parlament, duke kryesuar në disa nga 18 provincat e Irakut, përfshirë kryeqytetin Bagdad.
Milicitë e mbështetura nga Irani hodhën poshtë rezultatet të martën pasi u bë e ditur se lista e tyre elektorale, e njohur si Aleanca Fatah, uli vendet e saj në parlament nga 48 në 12-14.
