Ish-ministri i financave i Afganistanit ka fajësuar për rënien e qeverisë zyrtarët e korruptuar që shpikën “ushtarët fantazmë” dhe u paguan nga talebanët.
Khalid Payenda i tha BBC-së se shumica e 300 mijë trupave dhe policisë në librat e qeverisë nuk ekzistonin.
Ai tha se personeli fantazmë u shtua në listat zyrtare në mënyrë që gjeneralët të mund të futnin në xhep pagat e tyre.
Talibanët morën me shpejtësi kontrollin e Afganistanit në gusht, pasi forcat amerikane u tërhoqën pas 20 vjetësh në vend, raporton BBC.
Payenda, i cili dha dorëheqjen dhe u largua nga Afganistani ndërsa grupi islamik përparonte, tha se të dhënat që tregojnë se forcat e sigurisë ishin shumë më të mëdha se talibanët ishin të pasakta.
Ish-ministri tha se numrat mund të jenë fryrë më shumë se gjashtë herë dhe përfshinin “dezertime [dhe] dëshmorë që nuk u llogaritën kurrë sepse disa nga komandantët do të mbanin kartat e tyre bankare” dhe do të tërhiqnin pagat e tyre, pretendoi ai.
Një raport i vitit 2016 nga Inspektori i Përgjithshëm Special i SHBA për Rindërtimin e Afganistanit (Sigar) pohoi se “as Shtetet e Bashkuara dhe as aleatët e saj afganë nuk e dinë se sa ushtarë dhe policë afganë ekzistojnë në të vërtetë, sa janë në fakt të disponueshëm për detyrë, ose, si rrjedhojë, natyrën e vërtetë të aftësive të tyre operacionale”.
