(E plotësuar 10:18) -Disa raketa kanë shënjestruar qytetin irakian Irbil dhe zyrtarët amerikanë kanë thënë se ato janë nisur nga Irani.
Raketat kanë goditur qytetin në orët e para të 13 marsit, duke shënjestruar ndërtesën e re të konsullatës amerikane dhe një zonë në afërsi, mirëpo ato kanë shkaktuar vetëm dëme materiale dhe një civil është plagosur, ka thënë Ministria e Brendshme kurde.
Një korrespodent i televizionit shtetëror iranian me bazë në Irak, ka thënë se raketat kanë pasur qëllim “bazat sekrete izraelite”.
Një zëdhënës i Departamentit amerikan të Shtetit e ka quajtur sulmin “të egër”, mirëpo ka thënë se asnjë amerikan nuk është lënduar dhe nuk ka dëme në objektet e Qeverisë amerikane në Irbil.
Një zyrtar amerikan i Mbrojtjes është cituar të ketë thënë se raketat janë nisur nga një qytet i Iranit, transmeton agjencia e lajmeve, Associated Press.
Forcat amerikane të stacionuara në kompleksin e aeroportit ndërkombëtar të Irbilit janë goditur në të kaluarën me raketa dhe sulme me dronë, për të cilat zyrtarët amerikanë drejtojnë gishtin te grupet e lidhura me Iranin.
Megjithatë, për sulme të tilla nuk është raportuar në muajt e fundit.
Ky sulm ka ndodhur disa ditë pas një sulmi izraelit afër Damaskut të Sirisë, i cili ka lënë të vdekur dy anëtarë të Gardës Revolucionare të Iranit.
Teherani e ka dënuar ashpër sulmin dhe është zotuar se do të hakmerret.
***
Disa raketa kanë goditur Erbilin, kryeqytetin e rajonit autonom kurd në veri të Irakut. Thuhet se 12 raketa e kanë goditur rajonin e Kurdistanit.
Ministër i Shëndetësisë në provincën Kurdistan të Irakut, Saman Barzanji ka tha se nuk ka viktima apo të lënduar nga shpërthimet e njëpasnjëshme.
“Nuk ka viktima apo të plagosur pas shpërthimeve në Erbil”, tha Saman Barzanji.
Siç raportohet nga Reuters, Shtetet e Bashkuara kanë një bazë të madhe ushtarake në Erbil, transmeton "Bota sot".
Ndërkaq, një zyrtar amerikan i ka thënë Reuters-it se dyshohet se këto raketa kanë ardhur nga Irani.
Kurdistan health minister: No casualties after Erbil blasts https://t.co/aLrBjV0e6x
— Amichai Stein (@AmichaiStein1) March 12, 2022
