Të paktën 11 persona vdiqën pasi u goditën nga rryma elektrike gjatë një parade fetare në shtetin jugor indian, Tamil Nadu.
Adhuruesit e një tempulli hindu u mblodhën për një paradë rreth mesnatës të së mërkurës. Incidenti vdekjeprurës ndodhi pasi dekorimet e kamionit të tyre që mbante idhullin ose karrocën, goditën një kabllo të tensionit të lartë rreth orës 3:00 të mëngjesit me orë lokale.
Të paktën shtatë persona vdiqën në vend pasi u goditën nga rryma, sipas mediave lokale.
Dy fëmijë ishin gjithashtu në mesin e atyre që vdiqën, shkruan DW.
Rreth 15 persona u plagosën dhe u dërguan në spitale, tha policia.
Aksidenti, i cili la edhe disa të plagosur, ndodhi në orët e para të mëngjesit të së mërkurës në një qytet në lagjen lindore të Thanjavur. Zona është e njohur për tempujt dhe arkitekturën e saj të trashëgimisë.
