Ranil Wickremesinghe është zgjedhur president i ri i Sri Lankës, pasi deri më sot ishte vetëm ushtrues detyre i këtij posti.
Wickremesinghe u emërua kryeministër në maj të këtij viti, por u vendos përkohësisht në krye të presidencës më 13 korrik, pasi paraardhësi i tij, Gotabaya Rajapaksa, u arratis në Maldive pasi vendi ballafaqohej me protesta të mëdha.
Ish-kryeministri, tash president mundi rivalin e tij kryesor në garë, Dalus Alahapperuma, me 134 vota karshi 82 sa kishte Alahapperuma.
Kujtojmë se qytetarët e Sri Lankës kishin bërë thirrje më parë që zoti Wickremesinghe të jepte dorëheqjen si kryeministër, me protestuesit që dogjën shtëpinë e tij private dhe sulmuan zyrën e kryeministrit në Colombo.
Protestat në Sri Lankë filluan pasi vendi është duke u ballafaqua me krizë të madhe ekonomike e rritje të madhe të inflacionit.
