Koreja e Veriut ka testuar ditën e sotme dy raketa me rreze të gjatë, të cilat tashmë janë dërguar në njësitë taktike bërthamore. Kim Jong Un ka deklaruar pas testimit të raketave se Koreja e Veriut është “në gatishmëri të plotë për luftë aktuale”.
Raketat, të cilat janë projektuar për të udhëtuar në një lartësi më të ulët se raketat balistike, duke i bërë ato më të vështira për t’u gjurmuar dhe për t’u rrëzuar, fluturuan 1240 milje mbi Detin e Verdhë të mërkurën.
Kim personalisht mbikëqyri testet pasi imazhet e tregonin atë duke duartrokitur brenda një tuneli me miqtë e tij, një cigare në dorën e djathtë. Kim ‘vlerësoi shumë’ testin, tha më pas media shtetërore, e cila tregoi se forcat bërthamore të Koresë së Veriut janë në ‘gatishmëri të plotë për luftën aktuale’ dhe dërgoi një ‘paralajmërim të qartë për armiqtë’.
Më pas ai u fotografua duke festuar 75-vjetorin e dy shkollave elitare të Koresë së Veriut – të krijuara fillimisht për të edukuar fëmijët e atyre që vdiqën në revolucion, dhe që sot funksionojnë si terrene trajnimi për brezin e ardhshëm të klasës politike të vendit.
