Në protestat e nisura pas arrestimit të ish-kryeministrit, Imran Khan nga Byroja Kombëtare e Përgjegjshmërisë (NAB) në Pakistan, gjashtë persona mbetën të vrarë dhe 13 të plagosur.
Sipas raporteve të medias kombëtare, mijëra mbështetës të PTI-së filluan protestat në gjithë vendin pasi udhëheqësi i Partisë së Lëvizjes për Drejtësi të Pakistanit (PTI), Khan, i cili erdhi në kryeqytetin Islamabad nga Lahore për të marrë pjesë në seancat, u arrestua para gjykatës nga trupat paraushtarake.
Zhvillimi vjen disa ditë pasi ai akuzoi një oficer të lartë ushtarak për komplot për ta vrarë, raporton aa.
Khan u arrestua nga Rangersat, forca paraushtarake e vendit, pikërisht kur një gjykatë në Islamabad i dha atij lirim të përkohshëm me kusht në shtatë raste, raportoi Dunya News.
Në deklaratën e bërë nga Departamenti i Policisë së Islamabadit, thuhet se gjatë protestave janë plagosur pesë policë dhe janë arrestuar 43 demonstrues.
Ndryshe, Khan u arrestua nga një gjykatë në Islamabad në një rast korrupsioni.
