Redaktori i çështjeve ndërkombëtare të Sky News, Dominic Waghorn jep analizën e tij të situatës nga Izraeli.
"Ku keni qenë? Ku ishin të gjithë?" Pyetjet po u bërtisnin ushtarëve në një autostradë nga një burrë i pikëlluar, përcjell “Bota sot”.
Vëllait të tij i kishte mbetur vetëm një javë për të shkuar në ushtri, por u vra sot në një shkëmbim zjarri me Hamasin në tokën izraelite.
I gjithë vendi kërkon përgjigje për këto pyetje. Ku ishte ushtria kur izraelitët kishin më shumë nevojë për to ndërsa Hamasi hyri në qytetet dhe shtëpitë e tyre dhe bëri kërdi të tillë vrastare?
Ekziston një ndjenjë pafuqie, hutimi dhe frike mes izraelitëve dhe është e habitshme të dëshmosh. Diçka duket se ka ndryshuar rrënjësisht.
