Sa më shumë viktima civile që shkaktojnë sulmet izraelite, aq më shumë mbështetja ndaj Izraelit do të zvoglohej, thotë eksperti i Lindjes së Mesme Vopel nga Fondacioni Bertelsmann. Disa vende do të përfitonin dukshëm nga propaganda anti-izraelite.
Sipas këtij eksperti, lufta midis Izraelit dhe Hamasit islamik në Rripin e Gazës dhe kërcënimi i zgjerimit rajonal, mund ta largojnë Perëndimin dhe pjesën tjetër të botës edhe më shumë. "Nga një perspektivë globale, lufta në Lindjen e Mesme kërcënon të forcojë armiqtë e një rendi botëror të bazuar në rregulla në mbarë botën," tha eksperti izraelit Stephan Vopel nga Fondacioni Bertelsmann.
Irani, por edhe Kina dhe Rusia përfituan nga “ndjenjat anti-izraelite në mesin e popullsive të shteteve arabe dhe myslimane”. Në të njëjtën kohë, konflikti kërcënon të "rrezikojë afrimin e Perëndimit me shtetet e Jugut Global", sepse Perëndimi akuzohet se ka marrë anë të njëanshme në favor të Izraelit, tha Vopel.
Ai gjithashtu vëren se qëndrimet e publikut rrezikojnë të ndryshojnë edhe në Perëndim. Sa më gjatë të zgjasin operacionet ushtarake kundër Hamasit dhe sa më shumë viktima të shkaktonin në popullatën civile të Rripit të Gazës, aq më shumë mbështetja për Izraelin shndërrohej në kritikë ndaj Izraelit, tha Vopel. “Edhe në Gjermani, politikanët dhe publiku aktualisht po reagojnë ndryshe.” Politika thekson të drejtën e Izraelit për vetëmbrojtje dhe në të njëjtën kohë kërkon pajtueshmërinë me ligjin ndërkombëtar dhe ligjet e luftës.
"Në publik, megjithatë, ka kritika në rritje për veprimet izraelite kundër Hamasit dhe viktimat që rezultojnë në mesin e popullatës civile." Rreziku po rritet gjithashtu "që niveli tashmë i lartë i antisemitizmit latent të lidhur me Izraelin do të çojë në dhunë kundër institucioneve dhe hebrenjve ". Numri i krimeve të dhunshme tashmë është rritur ndjeshëm. Popullsisë hebreje tani duhet t'i jepet mbrojtje e veçantë. “Një angazhim i qartë për mbrojtjen e jetës hebreje në Gjermani duhet të mbështetet dukshëm nga shoqëria”, kërkon Vopel. Hebrenjtë në Gjermani duhet të jenë në gjendje të "jetojnë të sigurt dhe pa frikë, pavarësisht se çfarë po ndodh në Lindjen e Mesme".
Si radhiten shqiptarët në këtë rast ?
Kosova dhe Shqipëria po ashtu i kanë dënuar sulmet terroriste të Hamasit ndaj Izraelit, por derisa konflikti me gjasë mund të përhapet, lind pyetja si do të ndikoi kjo në masat e gjëra të popullit shqiptar.
Është shumë e qartë që ambasadori palestinez në Beograd botërisht ka deklaruar se Kosova është Serbi. Ndoshta shqiptarët këtë e kanë përjetuar rëndë dhe nuk kanë pritur diçka të tillë nga palestinezët, po realiteti mund të jetë i hidhur.
Rusia gjithmonë ka pasur qëndrim anti -izraelit duke u munduar që ti përfitoi shtetet myslimane për vete dhe njësoi sikurse Rusia ka vepruar Serbia.
Në socializmin jugosllav organizoheshin ndihma për palestinezët dhe këto kërkesa shtriheshin edhe nëpër shkollat e Kosovës. Ndoshta që atëherë nga propaganda jugosllave dhe serbe, nxënësit krijonin bindje negative për Izraelin dhe ngjallnin simpati për palestinezët.
Sot shqiptarët e dallojnë se kush është aleati ynë dhe kush jo, megjithatë ne e gjykojmë Hamasin si organizatë terroriste, po asgjë kundër popullit palestinez nuk kemi. Edhe ne njësoj si e gjithë bota kërkojmë që të mbrohet popullsia civile dhe kërkojmë paqe për të gjithë në Lindjen e Mesme.
Nga Bashkësia Islame duhet të kërkohet që mos t´i instrumentalizoi njerëzit dhe ta merr rolin e Serbisë, Hamasit dhe Rusisë për t´i nxitur masat (analfabetët, gjysmëanalfabetët dhe trushpërlarët) kundër Izraelit dhe pro Palestinës, që në realitet përkrahja në prapavijë do ti dedikohej Hamasit.
Ne e kemi shumë të freskët kohën kur imamët nga Bashkësia Islame e Kosovës i infiltronin të rinjtë që t´u bashkoheshin grupeve terroriste të Shtetit Islamik.
Për tu mos u përsëritur gjërat e tilla Bashkësia Islame do të duhej të ishte nën vëzhgimin e kushtetutshmërisë, duke e ditur se gjithmonë kanë qenë dorë e zgjatur e Serbisë dhe Rusisë.
