Shefi i Hamasit, Ismail Haniyeh ka fajësuar kryeministrin izraelit, Benjamin Netanyahu për luftën, duke thënë se ai e ka rrethuar veten me një koalicion të krahut të djathtë “për të larguar sytë e botës nga faji i tij”.
Komentet e tij ishin në lidhje me problemet e ndryshme ligjore me të cilat përballej Netanyahu, shkruan Al Jazeera.
Në një fjalim të drejtpërdrejtë, Haniyeh tha gjithashtu se Izraeli është në një moçal në Gaza. Ai shtoi se robërit e marrë nga Hamas po i nënshtrohen të njëjtit bombardim izraelit si palestinezët, “të fundit prej të cilëve ishin në masakrën e Jabalia”.
Haniyeh iu drejtua gjithashtu SHBA-së duke thënë se duhet të ndalojë mbështetjen për “këtë qeveri fashiste dhe të ndalojë pengimin e përpjekjeve ndërkombëtare” për të arritur një armëpushim humanitar.
“Ju po zgjidhni anën e gabuar të historisë,” tha ai. “Rajoni nuk do të jetë i sigurt apo i qëndrueshëm për sa kohë që njerëzit tanë nuk marrin lirinë dhe pavarësinë e tyre dhe nuk kthehen ”, vazhdoi Haniyeh.
