LIVE: Ashpërsohet lufta në Gazë, Izreali jep detaje të reja – Franca ‘godet’ shefin e Hamasit!

Izraeli pret luftime të vështira në fazën e re të luftës së tij në Gazë, por është i hapur për “këshilla konstruktive” për reduktimin e dëmeve ndaj civilëve, për aq kohë sa sugjerimet janë në përputhje me objektivin e tij për shkatërrimin e grupit radikal palestinez, Hamas – i shpallur organizatë terroriste nga Shtetet e Bashkuara të Amerikës dhe Bashkimi Evropian – ka thënë një zëdhënës i qeverisë izraelite, të martën.

“Ne po vazhdojmë me fazën e dytë tani. Një fazë e dytë që do të jetë e vështirë ushtarakisht”, u ka thënë gazetarëve zëdhënësi Eylon Levy, raporton Reuters.

Forcat izraelite kanë nisur të veprojnë në zonën jugore të Rripit të Gazës, ku popullsia është rritur për rreth 1 milion refugjatë nga zonat veriore, ndërsa Izraeli është përballur me trysni të madhe ndërkombëtare, përfshirë nga Uashingtoni, për të kufizuar viktimat civile.

“Ne, sigurisht, do t’i përmendim këshillat konstruktive që do t’i marrim, këshillat serioze për strategji ushtarake për mënyrën e shënjimit të Hamasit, duke minimizuar dëmet ndaj civilëve”, ka thënë Levy.

Por, ai ka shtuar se këshillat duhet të jenë në përputhje me objektivin e Izraelit për shkatërrimin e grupit ekstremist palestinez.

“Ne do të vazhdojmë fushatën tonë për shkatërrimin e Hamasit... Shtetet e Bashkuara janë të pajtimit të plotë me ne sa i përket objektivave strategjike të kësaj lufte, dhe se kjo luftë nuk mund të përfundojë me një Hamas ende aktiv”, ka thënë ai.

Levy ka shtuar se Izraeli po bën shumë përpjekje për të reduktuar dëmet ndaj civilëve. “Ne nuk e kemi zgjedhur fushëbetejën, Hamasi e ka zgjedhur atë”, është shprehur ai.

Hamasi ka nxitur luftë me Izraelin duke kryer sulme vdekjeprurëse në jug të Izraelit, më 7 tetor, gjatë së cilave luftëtarët e grupit palestinez vranë afër 1.200 persona dhe morën peng 240 të tjerë.

Që atëherë, nga sulmet izraelite në Gazë janë vrarë mbi 15.000 palestinezë – pothuajse dy e treta e viktimave janë gra dhe fëmijë, sipas Ministrisë së Shëndetësisë në Gazën e kontrolluar nga Hamasi.

Mbi tri e katërta e popullsisë së këtij territori janë zhvendosur nga shtëpitë e tyre për shkak të bombardimeve dhe sulmeve tokësore të Izraelit, që krijuan një krizë humanitare./REL

Franca të martën ka ngrirë pasuritë e shefit të grupit ekstremist palestinez, Hamas, në Gazë.

Yahya Sinwar është bërë udhëheqësi i fundit i grupit që është shpallur organizatë terroriste nga Shtetet e Bashkuara të Amerikës dhe Bashkimi Evropian, i cili është shtuar në listën e sanksioneve franceze, sipas një dekreti të publikuar në gazetën zyrtare të Francës.

Më 13 nëntor, Franca ka vënë sanksione në nivel kombëtar edhe ndaj komandantit ushtarak të Hamasit, Mohammed Deif, dhe zëvendësit të tij, Marwan Issa.

Franca, po ashtu, po punon me partnerët për të vënë sanksione ndaj figurave të grupit radikal palestinez dhe ndaj rrjetit financues të tij në nivel të Bashkimit Evropian, kanë thënë disa diplomatë, raporton Reuters.

Hamasi ka nxitur luftë me Izraelin duke kryer sulme vdekjeprurëse në jug të Izraelit, më 7 tetor, gjatë së cilave luftëtarët e grupit palestinez vranë afër 1.200 persona dhe morën peng 240 të tjerë.

Që atëherë, nga sulmet izraelite në Gazë janë vrarë mbi 15.000 palestinezë – pothuajse dy e treta e viktimave janë gra dhe fëmijë, sipas Ministrisë së Shëndetësisë në Gazën e kontrolluar nga Hamasi.

Mbi tri e katërta e popullsisë së këtij territori janë zhvendosur nga shtëpitë e tyre për shkak të bombardimeve dhe sulmeve tokësore të Izraelit, që krijuan një krizë humanitare./REL

Forcat ajrore izraelite kanë çuar përpara ofensivën e tyre ajrore dhe tokësore në jug të Rripit të Gazës, duke vrarë dhe plagosur dhjetëra palestinezë, pavarësisht se Shtetet e Bashkuara dhe Kombet e Bashkuara, kanë bërë thirrje të vazhdueshme për mbrojtje të civilëve.

Të pyetura të hënën për rritjen e numrit të viktimave, prej prishjes së armëpushimit mes Izraelit dhe Hamasit, të premten, SHBA-ja, aleatja më e ngushtë e Izraelit, ka thënë se është shumë herët për të thënë nëse Izraeli po bën mjaftueshëm për t’i mbrojtur civilët.

Hamasi, grup palestinez që kontrollon Gazën, është shpallur organizatë terroriste nga SHBA-ja dhe Bashkimi Evropian.

Banorët dhe gazetarët në terren, kanë thënë se sulmet ajrore izraelite në jugun e dendur me popullatë civile, kanë përfshirë edhe zonat ku Izraeli u ka kërkuar banorëve të strehohen.

Në Kombet e Bashkuara, Sekretari i Përgjithshëm, Antonio Guterres, i ka bërë thirrje Izraelit që të mos ndërmarrë veprime tjera që do ta përkeqësonin edhe më shumë situatën në Gazë.

“Sekretari i Përgjithshëm është jashtëzakonisht i alarmuar nga rikthimi i armiqësive në mes të Izraelit dhe Hamasit… njerëzve u është kërkuar të evakuohen, tani nuk ekziston asnjë vend i sigurt dhe shumë pak mundësi për mbijetesë”, ka thënë zëdhënësi i OKB-së, Stephane Dujarric.

Izraeli e ka pushtuar gjysmën e veriut të Gazës në nëntor, dhe tani fokusin e ka në jug.

Krahu i armatosur i grupit Xhihadi Islamik, aleat i Hamasit, ka thënë se është përfshirë në luftime të ashpra me ushtarët izraelitë në veri dhe lindje të Han Junisit, qytetit kryesor në jug të Gazës.

Izraeli e ka nisur fushatën ushtarake për ta shkatërruar Hamasin, si hakmarrje për sulmet e grupit më 7 tetor në jug të Izraelit.

Militantët i kanë vrarë 1.200 njerëz dhe i kanë marrë peng 240 të tjerë.

Besohet se 80 për qind e popullsisë prej 2.3 milionë banorësh në Gazë, tashmë ka ikur prej shtëpive të tyre.

Tetë javë luftime raportohet se e kanë kthyer këtë enklavë në gërmadhë.

Autoritetet palestineze shëndetësore kanë thënë se të paktën 15.899 njerëz janë vrarë si pasojë e sulmeve izraelite në Gazë – 70 për qind e tyre gra dhe fëmijë.

Mijëra të tjerë janë të zhdukur dhe besohet se kanë mbetur të vdekur nën rrënoja.

Izraeli e akuzon Hamasin se po i rrezikon civilët, duke operuar në zonat e banuara, përfshirë tunelet që mund të shkatërrohen vetëm me bomba të mëdha./rel

Rifillimi i bombardimeve të Gazës nga Izraeli është "i pandërgjegjshëm", ka thënë zëvendëskryeministri i Irlandës.

Micheal Martin dënoi sulmet e fundit në enklavë, duke këmbëngulur se po vriteshin civilë të pafajshëm.

Izraeli ka intensifikuar sulmin e tij në Gaza, duke pretenduar se "qëllimi" është të eliminojë Hamasin pas sulmit vdekjeprurës të grupit më 7 tetor, raporton Sky news, transmeton "Bota sot".

Martin tha se lufta duhet të ndalet. “Kam thënë para rifillimit të luftës se është e pandërgjegjshme që lufta të rifillojë dhe këtë e besoj.

"Ne e dimë nga bombardimet e Gazës veriore se mbrojtja e jetës së civilëve nuk ishte prioritet, dhe shumë burra, gra dhe fëmijë të pafajshëm u vranë dhe tani po vriten në Gazën jugore si rezultat i këtij bombardimi - dhe unë e dënoj atë, kjo është e gabuar."

Duke folur me gazetarët në Dublin, Martin shtoi: "Ne do të vazhdojmë të punojmë me të gjitha palët - Izraelin, Jordaninë, Egjiptin, Katarin dhe të tjerët - për të hequr pengjet, para së gjithash, për të nxjerrë civilët e mbetur jashtë, por në mënyrë më kritike ndaj të marrë fund lufta.

“Dhe unë mendoj se ka shumë presion dhe ai presion do të vazhdojë”.

IDF do të jetë "më precize" kur bëhet fjalë për vendin ku godet në Gaza, tha zëdhënësi nënkoloneli Jonathan Conricus për Sky News, transmeton "Bota sot".

I pyetur nga gazetari Mark Austin se si Izraeli do të parandalojë vdekjen e civilëve të pafajshëm të Gazës ndërsa luftimet vazhdojnë, Conricus tha: "Ajo që po bëjmë është se po u kërkojmë civilëve të evakuohen dhe ne po e bëjmë atë përpara kohe përmes fletëpalosjeve, përmes radios. mesazhe, përmes telefonatave dhe gjithashtu përmes mediave sociale.

"Ne po e bëjmë atë përpara kohe. Ne do të vazhdojmë të godasim vetëm luftëtarët dhe mendoj se do të jemi pak më të preciz kur bëhet fjalë për atë që do të godasim."

Ai vazhdoi duke thënë se Izraeli po luftonte në Gaza "sepse aty është Hamasi".

I pyetur nëse ai pranoi që në javët e para Izraeli nuk ishte mjaftueshëm preciz dhe civilët vdiqën pa nevojë, zyrtari u përgjigj: "Jo.

“Përgjegjësia për këtë është e Hamasit”.

Një gazetar ose punonjës i medias vritet mesatarisht çdo ditë në luftën Izrael-Hamas, tha të hënën kreu i i Federatës Ndërkombëtare të Gazetarëve (IFJ), duke e bërë këtë konflikt të pakrahashueshëm me asnjë tjetër më parë përsa i takon pasojave tek media.

Rreth 60 përfaqësues të mediave janë vrarë që kur filloi lufta më 7 tetor, duke iu afruar numrit të gazetarëve të vrarë gjatë gjithë Luftës së Vietnamit gjysmë shekulli më parë që zgjati për dy dekada.
Luftërat e tjera brutale në Lindjen e Mesme as nuk i janë afruar intensitetit të asaj aktuale.

“Në një luftë tradicionale si për shembull ato në Siri, në Irak, në ish-Jugosllavi, nuk kemi parë këtë lloj masakre,” tha sekretari i përgjithshëm i Federatës Ndërkombëtare të Gazetarëve, Anthony Bellanger në një intervistë për agjencinë Associated Press.

Dhe që kur skadoi armëpushimi njëjavor në Gaza të premten, humbjet kanë vazhduar, tha ai:

"Për fat të keq, morëm lajmin e keq këtë fundjavë që pas përfundimit të armëpushimit, janë vrarë tre ose katër (gazetarë) të tjerë.”

Zoti Bellanger tha se rreth 60 gazetarë kanë humbur jetën, përfshirë të paktën 51 palestinezë, si edhe izraelitë dhe libanezë. Shumica janë vrarë gjatë bombardimeve të Izraelit në Rripin e Gazës.

Ai tha se janë vrarë edhe gazetarë izraelitë gjatë sulmit të Hamasit në Izraelin jugor që ishte shkaku i fillimit të luftës. Ai tha se këto shifra bazohen në të gjitha burimet që federata përdor për raportin e saj vjetor. Përveç viktimave në njerëz, në Gazë janë shkatërruar edhe objektet e shumë organizatave mediatike, tha ai.

Ai vlerëson se para konfliktit në Gazë kishte rreth 1,000 gazetarë dhe punonjës të medias dhe thotë se tani askush nuk mund të dalë nga Gaza.

Megjithatë edhe në mes të shkatërrimit, gazetarët vendas vazhdojnë të bëjnë punën e tyre, thotë Nasser Abu Baker, president i Sindikatës së Gazetarëve Palestinezë.

“Ata kanë humbur familjet e tyre dhe vazhdojnë punën”, tha ai. “Ata janë pa shtëpi dhe vazhdojnë punën. ... Pa ushqim, pa siguri për ta, pa familje. Edhe nëse familjet e tyre janë ende gjallë, ata nuk janë me familjet sepse familjet jetojnë ose flenë në spitale.”

Zoti Bellanger tha se autoritetet izraelite nuk ishin përgjegjur.

"Telefonova në qeverinë izraelite, por ata nuk m'u përgjigjën. Dhe kur shkova në Palestinë para disa ditësh, i kërkova zyrës së shtypit të qeverisë (izraelite) të bënim një takim. Por askush përgjigjet”, tha ai.

Izraeli ka thënë se bën çdo përpjekje për të shmangur vrasjen e civilëve dhe akuzon Hamasin se i rrezikon ata duke vepruar në zona të banuara.

“Ne duam të sigurohemi që gazetarët të jenë të mbrojtur. Puna e tyre në terren është kritike,” tha për agjencinë Associated Press, sekretarja e shtypit e Shtëpisë së Bardhë, Karine Jean-Pierre.

IFJ dhe “Gazetarët pa Kufij” u kanë bërë thirrje prokurorëve të Gjykatës Penale Ndërkombëtare (ICC) të hetojnë vdekjen e gazetarëve dhe punonjësve të medias dhe kryeprokurori i ICC-së Karim Khan ka vizituar zonën.

Zyra e prokurorisë së ICC-së po heton veprimet e autoriteteve izraelite dhe palestineze që nga viti 2014.

Hetimi mund të marrë në konsideratë edhe pretendimet për krime të kryera gjatë luftës aktuale. Zoti Khan i ka bërë thirrje Izraelit të respektojë ligjin ndërkombëtar, por nuk e ka akuzuar për krime lufte.

Ai e quajti sulmin e Hamasit më 7 tetor një shkelje të rëndë të ligjit ndërkombëtar humanitar. Izraeli argumenton se ICC nuk ka juridiksion në konflikt sepse territoret palestineze nuk janë një shtet sovran i pavarur.

Izraeli nuk është palë në traktatin që mbështet ICC-në dhe nuk është një nga 123 shtetet anëtare të tij.

Zoti Bellanger nuk mendon që situata në terren do të ndryshojë së shpejti, por thotë se si kreu i rrjetit global të gazetarisë, "Nuk mund t’ia lejoj vetes të jem pesimist"./VOA

Ushtria izraelite ka ripërsëritur thirrjet e saj për evakuime masive nga qyteti jugor i Rripit të Gazës, Khan Younis, ku dhjetëra mijëra palestinezë të zhvendosur kanë kërkuar strehim në javët e fundit.

Ofensiva e zgjeruar, pas rënies së një armëpushimi njëjavor, ka për qëllim eliminimin e Hamasit, raporton Sky news, transmeton "Bota sot".

Por numri në rritje nga luftimet, për të cilat zyrtarët palestinezë të shëndetësisë thonë se kanë vrarë disa qindra civilë që nga përfundimi i armëpushimit të premten, rrit më tej presionin për t'u kthyer në tryezën e bisedimeve.

Ministria e shëndetësisë në Gazën e drejtuar nga Hamasi thotë se 70% e 15,899 palestinezëve të vrarë nga sulmet izraelite që nga 7 tetori kanë qenë gra dhe fëmijë.