Një zjarr në një shkollë në Kinën qendrore la të vdekur 13 studentë dhe një mbeti i plagosur, raportojnë mediat shtetërore kineze.
Zjarri shpërtheu të premten mbrëma në shkollën Yingcai, në fshatin Yanshanpu, pranë qytetit Nanyang, provincën Henan, njoftoi Stacioni Qendror i Televizionit të Kinës dhe Agjencia e Lajmeve Xinhua.
Zjarrfikësit e shuan me shpejtësi zjarrin dhe sipas raportimeve drejtori i shkollës u arrestua.
Yingcai është një shkollë private me konvikt me një kopsht fëmijësh dhe një shkollë fillore, raportoi The Paper, një gazetë pro-qeveritare. Shkolla u jep nxënësve pushim çdo dy javë, por kjo nuk ishte fundjavë pushimi, raportoi The Paper, duke cituar disa banorë vendas.
Shumë nga studentët e Yingcai janë nga zonat rurale, tha ai, duke shtuar se zjarri shpërtheu rreth orës 22:00 të premten.
