Ushtria libaneze tha të mërkurën se një person i armatosur tentoi të sulmonte ambasadën e SHBA-së pranë Bejrutit.
Ushtria libaneze në një deklaratë tha se ushtarët qëlluan një sulmues, të cilin ata e përshkruan vetëm si shtetas sirian. Personi i armatosur u plagos dhe u dërgua në spital.
Mediat lokale raportuan se pati një përleshje me armë për gati gjysmë ore nga misioni diplomatik amerikan në periferi të Aukar, në veri të Bejrutit.
Ambasada e SHBA-së tha se sulmi i mëngjesit nga hyrja e ambasadës nuk shkaktoi viktima në mesin e stafit të tyre dhe se trupat libaneze dhe siguria e ambasadës u mobilizuan shpejt.
Ushtria libaneze tha se kishte dislokuar trupa rreth ambasadës dhe zonave përreth.
Në vitin 1983, një sulm vdekjeprurës me bombë në Ambasadën e SHBA-së në Bejrut vrau 63 persona. Zyrtarët amerikanë fajësojnë për sulmin grupin militant libanez Hezbollah.
Pas atij sulmi, ambasada u zhvendos nga Bejruti qendror në periferinë e krishterë të Aukar, në veri të kryeqytetit. Një tjetër sulm me bombë goditi vendndodhjen e re më 20 shtator 1984, raporton Associated Press.
Në shtator 2023, forcat libaneze të sigurisë arrestuan një libanez që hapi zjarr nga Ambasada e SHBA-së. Në atë sulm nuk pati viktima.
Në tetor 2023, qindra protestues u përleshën me forcat libaneze të sigurisë në demonstrata pranë Ambasadës së SHBA-së në mbështetje të popullit të Gazës dhe grupit militant Hamas në luftën e tij me Izraelin.
