Houthi ka paralajmëruar Izraelin se do të hakmarret, pas sulmit ajror të ushtrisë izraelite në afërsi të portit Hodeidah në Jemen.
“Përgjigja është e pashmangshme,” tha Abdel-Malik al-Houthi, udhëheqës i grupit rebel, shkruan Al Jazeera.
“Çdo gjë që ndodh nga ana e armikut izraelit do të jetë më shumë nxitje për hakmarrje”, shtoi ai.
Avionët luftarakë izraelitë goditën objektivat ushtarake të Houthi pranë portit Hodeidah të Jemenit të shtunën.
Nga sulmi u vranë të paktën nëntë persona dhe 87 të tjerë mbetën të plagosur, një ditë pasi një dron i grupit goditi Tel Avivin dhe vrau një person.
