Kryeministri izraelit, Benjamin Netanyahu, ka refuzuar një propozim armëpushimi midis Izraelit dhe Hezbollahut, duke deklaruar se “lajmet për një armëpushim nuk janë të vërteta”.
Në vend të kësaj, Netanyahu ka udhëzuar ushtrinë izraelite të vazhdojë luftimet.
Bëhet e ditur se mbi 600 njerëz janë vrarë dhe mijëra janë plagosur në Liban që kur Izraeli filloi një fushatë intensive bombardimesh.
Ministri i Jashtëm i Izraelit, Israel Katz, iu bashkua kryeministrit duke përjashtuar mundësinë që Izraeli të pranonte një armëpushim të propozuar 21-ditor nga SHBA-ja dhe Franca midis Izraelit dhe Hezbollahut.
Në një mesazh të postuar në rrjete sociale, Katz tha: “Nuk do të ketë armëpushim në veri. Ne do të vazhdojmë të luftojmë me të gjitha forcat kundër organizatës terroriste Hezbollah deri në fitore dhe kthim të sigurt të banorëve në shtëpitë e tyre”.
Siç raportohet, rreth 60,000 izraelitë janë larguar nga shtëpitë e tyre në Izraelin verior për shkak të luftimeve të vazhdueshme midis Izraelit, Hezbollahut dhe forcave të tjera anti-izraelite me bazë në Liban, shkruan the Guardian.
Më herët, edhe Ministri i Financave i ekstremit të djathtë të vijës së ashpër të Izraelit, i cili e ka përshkruar pengimin për krijimin e një shteti palestinez si misionin e tij të jetës, hodhi poshtë idenë e një armëpushimi.
“Fushata në veri duhet të përfundojë në një skenar – duke shtypur Hezbollahun”.
Ushtria izraelite pretendoi se gjatë natës goditi “rreth 75 objektiva terroriste që i përkisnin organizatës terroriste Hezbollah” në Beqaa dhe në Libanin jugor.
Autoritetet në Liban raportuan të paktën katër persona të tjerë të vrarë këtë mëngjes dhe 23 sirianë, kryesisht gra dhe fëmijë, të vrarë në një sulm izraelit në Younine.
Ndryshe, SHBA-ja dhe Franca kishin bërë thirrje për një armëpushim të përkohshëm për t’i hapur rrugë negociatave më të gjera.
Deklarata e përbashkët e lëshuar nga presidenti amerikan Joe Biden dhe homologu francez Emmanuel Macron thotë: “Është koha për një zgjidhje në kufirin Izrael-Liban që garanton sigurinë për t’u mundësuar civilëve të kthehen në shtëpitë e tyre. Shkëmbimi i zjarrit që nga 7 tetori, dhe veçanërisht gjatë dy javëve të fundit, kërcënon një konflikt shumë më të gjerë dhe dëmtim të civilëve”.
“Ka një kohë për negociata dhe kjo nuk është ajo. Tani është koha për luftë”, janë deklaruar udhëheqësit izraelitë.
