Ushtria izraelite u ka bërë thirrje banorëve në më shumë se dy duzina fshatra në Libanin jugor që të evakuohen.
“Duhet të lëvizni menjëherë në veri të lumit Al-Awali. Shpëtoni jetën tuaj dhe evakuoni menjëherë shtëpitë tuaja”, tha zëdhënësi arab i Forcave të Mbrojtjes të Izraelit (IDF), Avichay Adraee në X.
Lumi Al-Awali është rreth 30 milje në veri të disa prej fshatrave libaneze jugore që Izraeli u kërkoi banorëve të largoheshin.
Paralajmërimet vijnë pasi Izraeli nis atë që thotë se është “një operacion i kufizuar tokësor” dhe “sulme të lokalizuara” në Libanin jugor duke synuar Hezbollahun.
Forcat izraelite nuk kanë nisur ende një pushtim në shkallë të plotë në Libanin jugor, thanë më herët tre burime për CNN.
“Kushdo që është në afërsi të anëtarëve të Hezbollahut, objekteve të tyre ose pajisjeve të tyre luftarake është duke vënë jetën e tyre në rrezik. Çdo shtëpi e përdorur nga Hezbollahu për qëllime ushtarake pritet të jetë në shënjestër”, tha Adraee.
Në një postim të mëparshëm, zëdhënësi i ushtrisë izraelite u bëri thirrje banorëve që të mos udhëtojnë “duke përdorur automjete” në veri të lumit Litani drejt Libanit jugor.
