Dhjetra raketa iraniane janë parë duke fluturuar drejt qyteteve kryesore bregdetare të Izraelit.
Pamjet e shpërndara në rrjete sociale nga toka e Tel Avitit tregojnë momentin kur raketat shkaktuan shpërthime të mëdha, duke përfshirë dëmtimin e një restoranti në bregdet.
Duket se sistemi Iron Dome ka kapur shumë prej raketave, shkruan the Guardian.
Bëhet e ditur se pas sulmit masiv me raketa balistike nga Irani drejt Izraelit, dy rivalët e kanë kërcënuar njëri-tjetrin me sulme të tjera, duke shtuar frikën për një luftë më të gjerë në Lindjen e Mesme.
Siç raportohet, Irani ka lëshuar afro 200 raketa drejt qyteteve izraelite.
Irani lëshoi më parë një breshëri me dron dhe raketa kundër Izraelit në prill, por shumica e predhave nuk arritën objektivat e tyre.
