Baba Siddique ishte i njohur për festa luksoze dhe lidhje të ngushta me superyjet e Bollywood-it
Persona të armatosur hapën zjarr dhe vranë politikanin indian Baba Siddique pranë zyrës së djalit të tij, i cili është gjithashtu politikan, në një lagje të Mumbait.
Siddique, 66 vjeç, ishte një ish-ministër vendor në shtetin e Maharashtra, i cili pritet të mbahen zgjedhjet parlamentare në nëntor.
Në shkurt ai u largua nga Kongresi, partia kryesore opozitare e Indisë, dhe u bashkua me Partinë e Kongresit Kombëtar rajonal (NCP), e cila është pjesë e koalicionit qeverisës BJP.
Siddique, siç raportohet nga BBC , ishte i njohur për festat luksoze dhe lidhjet e tij të ngushta me superyjet e Bollywood-it.
Në lidhje me këtë vrasje janë arrestuar dy persona, ende nuk dihen motivet e vrasjes . Policia është në kërkim të një të dyshuari të tretë.
Disa media indiane raportuan se të dyshuarit thanë se i përkisnin një bande të drejtuar nga krimineli famëkeq Lawrence Bishnoi.
Bishnoi po vuan një dënim me burg për përfshirjen e tij në disa raste vrasjesh, duke përfshirë vrasjen e reperit indian Sidhu Moose Wala në vitin 2022.
