Zëvendëspresidenti i Komisionit Europian Josep Borrell tha të shtunën se vrasja e liderit të Hamasit, Yahya Sinwar hapi një “perspektivë të re” për një armëpushim në Gaza, raporton Agence France-Presse (AFP).
“Sigurisht që pas vrasjes së Yahya Sinwar një perspektivë e re është e hapur dhe ne duhet ta përdorim atë për të arritur një armëpushim, për të liruar pengjet e mbetura dhe për të kërkuar një perspektivë politike,” u tha Borrell gazetarëve në margjinat e një samiti të G7-ës, shkruan BBC.
Udhëheqësi i Hamasit, Yahya Sinwar, figura kryesore pas sulmeve të 7 tetorit ndaj Izraelit, u vra nga trupat izraelite të mërkurën.
Ushtria izraelite publikoi pamjet me dron për të cilat tha se shfaqen momentet e fundit të Sinwar para se të vritej.
