Kryeministri i Japonisë, Shigeru Ishiba ndodhet nën presion pas humbjes historike të koalicionit të tij qeverisës në zgjedhjet parlamentare që u mbajtën të dielën.
Pasi u zgjodh vetëm në krye të Partisë Liberal Demokratike në pushtet në shtator, ai thirri zgjedhje të parakohshme në një përpjekje për të konsoliduar pushtetin e tij dhe për të forcuar pozitën e LDP-së, e cila ka qeverisur Japoninë pothuajse vazhdimisht për shtatë dekada.
Megjithatë sipas rezultateve të deritanishme, LDP nuk siguron 233 vendet e nevojshme për të mbajtur shumicën e shumë lakmuar në dhomën e ulët (465 vende), kjo është hera e parë që nga viti 2009.
Në veçanti, LDP siguron 191 vende dhe Komeito 24 vende, sipas mediave japoneze. Fituesja e madhe e zgjedhjeve ishte Partia Demokratike Kushtetuese (CDP) e drejtuar nga Yoshihiko Noda, e cila rrit ndjeshëm fuqinë e saj, nga 96 në 148 vende.
