Një bombë e fuqishme e lidhur me një motoçikletë shpërtheu pranë një automjeti që transportonte oficerë policie në Pakistanin jugperëndimor, duke vrarë tetë persona, përfshirë pesë fëmijë aty pranë dhe duke plagosur 18 persona të tjerë, thanë zyrtarët.
Shefi i policisë lokale Fateh Mohammad tha se sulmi ndodhi në Mastung, një distrikt në provincën Balochistan. Ai tha se një automjeti që mbante nxënës shkolle ishte afër kur shpërtheu bomba, duke rezultuar në vdekjen e pesë fëmijëve, një oficeri policie dhe dy kalimtarëve të rastit.
Një pjesë e personave të plagosur u transferuan në një spital në Quetta, kryeqyteti i provincës Balochistan, tha Wasim Baig, një zëdhënës i departamentit të shëndetësisë. Ai tha se shtatë persona vdiqën në vend, një burrë që ishte plagosur rëndë vdiq në spital.
Askush nuk e mori menjëherë përgjegjësinë për sulmin, por dyshimi ka të ngjarë të bjerë mbi grupet separatiste që kanë shtuar sulmet ndaj forcave të sigurisë dhe civilëve në muajt e fundit.
